ផ្អើលពេញវត្ត! ក្មេងៗដើរលេងសុខៗស្រាប់តែរើសបានកាបូបមានកាំភ្លើង និងគ្រាប់ពេញបង់ បោះចោលក្រោមដើមពោធិ៍។

ហេតុការណ៍នេះបានកើតឡើងនៅព្រឹកថ្ងៃទី២៧ ខែកក្កដា ឆ្នាំ២០២៦ នៅវត្តទួលសុភាឃួន ភូមិព្រៃទា២ សង្កាត់ចោមចៅទី៣ ខណ្ឌពោធិ៍សែនជ័យ។ ក្មេងៗមួយក្រុមបានដើរលេងក្នុងវត្ត ហើយក៏ប្រទះឃើញកាបូបស្ពាយពណ៌ខ្មៅមួយនៅក្រោមដើមពោធិ៍ ក្បែរស្រះទឹក។

ដោយសារចង់ដឹង ពួកគេក៏បើកមើល ស្រាប់តែឃើញកាំភ្លើងខ្លី១ដើម និងបង់២ដែលមានគ្រាប់ដល់ទៅ១៦គ្រាប់។ ឃើញបែបនេះ ក្មេងៗក៏ប្រញាប់រាយការណ៍ប្រាប់សមត្ថកិច្ចឱ្យចុះមកពិនិត្យភ្លាមៗតែម្តង។

ប៉ូលិសបានឱ្យដឹងថា នៅក្នុងកាបូបនោះមានកាំភ្លើងម៉ាកប៉េអាកុល១ដើម និងប័ណ្ណសម្គាល់អាវុធមួយសន្លឹក។ ប៉ុន្តែប័ណ្ណនោះបានផុតកំណត់តាំងពីខែមករា ឆ្នាំ២០២៦មកម្ល៉េះ។

ឥឡូវនេះ ប៉ូលិសបានយកកាំភ្លើង និងគ្រាប់ទាំងអស់ទៅរក្សាទុកដើម្បីស្រាវជ្រាវបន្ត។ គេមិនទាន់ដឹងច្បាស់ថា ជាកាបូបរបស់មន្ត្រីត្រូវចោរលួចយកទៅបោះចោល ឬជាករណីអ្វីផ្សេងនៅឡើយទេ ។

អរុណសួស្តីប្រិយមិត្ត យើងបង្ហាញ ចែករំលែក ការស្រលាញ់សត្វ ធ្វើអោយយើងមានសេចក្ដីសុខ ចំរុងចំរើនណាស់ មិនមានបុណ្យណាស្មើនិងយើងសង្រ្គោះសត្វទេ