ក្នុងលោកនេះ អ្វីដែលសន្ធឹកសន្ធាប់មិនប្រាកដថាអមតៈ ហើយអ្វីដែលតូចតាចក៏មិនមែនគ្មានតម្លៃនោះដែរ។ ធម្មជាតិបានបង្រៀនយើងតាមរយៈតំណក់ទឹកថា៖ «ទឹកសន្សើមដែលស្រោចស្រពរាល់ថ្ងៃ មានតម្លៃជាងទឹកជំនន់ដែលមកដល់តែមួយគ្រាហើយក៏បាត់ទៅវិញ»។

ទឹកសន្សើម ប្រៀបដូចជាការតស៊ូព្យាយាមបន្តិចម្តងៗ ប៉ុន្តែធ្វើវាដោយភាពទៀងទាត់ (Consistency)។ ទោះបីវាមើលទៅតូចតាច មិនសូវមានអ្នកចាប់អារម្មណ៍ ប៉ុន្តែវាគឺជាប្រភពទឹកដែលចិញ្ចឹមជីវិតឱ្យលូតលាស់រឹងមាំ និងមាននិរន្តរភាពបំផុត។ ចំណេះដឹង កេរ្តិ៍ឈ្មោះ និងភាពជោគជ័យដែលកើតចេញពីការសន្សំរាល់ថ្ងៃ គឺជាគ្រឹះដែលមិនងាយរង្គោះរង្គើ។
ផ្ទុយទៅវិញ ទឹកជំនន់ ប្រៀបបាននឹងភាពឆព្វេត ឬលាភសក្ការៈដែលមកដល់យ៉ាងគំហុក។ វាអាចមើលទៅអស្ចារ្យ និងមានឥទ្ធិពលក្នុងមួយប៉ព្រិចភ្នែក ប៉ុន្តែវាក៏ងាយនឹងរលាយបាត់ទៅវិញក្នុងពេលដ៏ខ្លី ហើយជួនកាលថែមទាំងបន្សល់ទុកនូវភាពបំផ្លិចបំផ្លាញទៀតផង បើគ្រឹះខាងក្នុងរបស់យើងមិនរឹងមាំ។

កុំតូចចិត្តនឹងការខិតខំដែលមិនទាន់ឃើញផលធំដុំ កុំបោះបង់ការរៀនសូត្របន្តិចម្តងៗរាល់ថ្ងៃ ព្រោះអ្វីដែល «ទៀងទាត់» តែងតែមានតម្លៃជាងអ្វីដែល «ឆាបឆេះ» មួយពេល។ ដើមឈើដែលរឹងមាំ មិនមែនលូតលាស់ដោយសារទឹកជំនន់ឡើយ ប៉ុន្តែវាឈរជើងបានដោយសារការស្រូបយកទឹកសន្សើម និងជីជាតិជារៀងរាល់ថ្ងៃ។

❥• ដួងចន្ទ្រ រស្មី
#ទស្សនវិជ្ជាជីវិត #ការតស៊ូ #ភាពទៀងទាត់ #តម្លៃជីវិត #Education #HSK #als

ប្រាសាទអង្គ

ជាកិត្តិយសសម្រាប់ខ្ញុំដែលបានធ្វើបទបង្ហាញជូនលោកគ្រូនាក់គ្រូ

#

Good morning