រឿង៖ សម្រស់លាក់ពុត និងបេះដូងពិត
កាលពីព្រេងនាយ មានបុរសកំលោះម្នាក់ឈ្មោះ សុភ័ក្ត្រ។ គាត់ជាមនុស្សរូបសង្ហា មានទ្រព្យសម្បត្តិស្តុកស្តម្ភ ប៉ុន្តែចិត្តរបស់គាត់តែងតែប្រាថ្នាចង់បានភរិយាម្នាក់ដែលមានសម្រស់ស្រស់ស្អាត សិចស៊ី និងទាក់ទាញបំផុត ដើម្បីបង្អួតអ្នកស្រុកភូមិ។
ថ្ងៃមួយ សុភ័ក្ត្របានជួបនារីម្នាក់ឈ្មោះ សុជាតា។ នាងជាស្ត្រីដែលមានរូបរាងស្លីម សិចស៊ី ដើរទៅណាបង្អួតរាងទៅហ្នឹង ស្លៀកពាក់ស៊ីវិល័យ និងមានមន្តស្នេហ៍យ៉ាងខ្លាំង ដែលធ្វើឱ្យបុរសៗទាំងឡាយសម្លឹងមិនដាក់ភ្នែក។ សុភ័ក្ត្របានលង់ស្នេហ៍នាងភ្លាមៗតាំងពីឃើញដំបូង ដោយមិនបានស្វែងយល់ពីចិត្តគំនិតរបស់នាងឡើយ។ មិនយូរប៉ុន្មាន ពួកគេក៏បានរៀបការជាមួយគ្នាយ៉ាងអធិកអធម។
ការប្រែប្រួលក្រោយអាពាហ៍ពិពាហ៍
សុភ័ក្ត្រគិតថាខ្លួនឯងជាបុរសដែលមានសុភមង្គលបំផុតក្នុងលោក ប៉ុន្តែការណ៍ពិតមិនដូចការគិតឡើយ។ ក្រោយរៀបការរួច៖
ភាពខ្ជះខ្ជាយ៖ សុជាតាមិនខ្វល់ខ្វាយពីការងារផ្ទះសម្បែង ឬមើលថែទាំស្វាមីឡើយ។ នាងគិតតែពីការតុបតែងខ្លួន ដើរទិញទំនិញថ្លៃៗ និងជួបជុំមិត្តភក្តិដើម្បីបង្អួតសម្រស់។
ភាពអត្ដទាត់៖ នៅពេលដែលសុភ័ក្ត្រមានបញ្ហាក្នុងមុខជំនួញ និងធ្លាក់ខ្លួនឈឺ នាងមិនត្រឹមតែមិនមើលថែឡើយ ថែមទាំងស្តីបន្ទោស និងសម្តែងការធុញទ្រាន់ ព្រោះខ្លាចខូចសម្រស់ និងខាតពេលសប្បាយរបស់នាង។
ចិត្តចង្អៀត៖ នាងគ្មានចិត្តមេត្តាធម៌ចំពោះអ្នកដទៃ សូម្បីតែម្តាយជរារបស់សុភ័ក្ត្រ ក៏នាងមិនដែលគោរព ឬនិយាយពាក្យផ្អែមល្ហែមដាក់ដែរ។
រាល់ថ្ងៃ សុភ័ក្ត្រត្រូវរស់នៅក្នុងផ្ទះដ៏ស្កឹមស្កៃ ប៉ុន្តែពោរពេញដោយភាពរកាំរកូស និងភាពឯកោ។ គាត់ទើបតែដឹងថា រូបរាងសិចស៊ី និងមុខមាត់ដ៏ស្រស់ស្អាតរបស់ភរិយា មិនអាចយកមកធ្វើជាថ្នាំព្យាបាលចិត្ត ឬបង្កើតភាពកក់ក្តៅក្នុងគ្រួសារបានឡើយ។
ពន្លឺនៃក្តីស្រឡាញ់ពិត។(...ត)

hello !