រដ្ឋបាលស្រុករតនមណ្ឌល ខេត្តបាត់ដំបង
សូមគោរពជូននិង ជម្រាបជាដំណឹងដល់បងប្អូនប្រជាពលរដ្ឋទាំងអស់ សូមមេត្តាបង្កើនការប្រុងប្រយ័ត្នឱ្យបានខ្ពស់ ចំពោះសុវត្ថិភាពក្រុមគ្រួសារ មនុស្សចាស់ កុមារ ព្រមទាំងថែរក្សាទ្រព្យសម្បត្តិ និងសម្ភារៈផ្សេងៗឱ្យបានល្អ។
មូលហេតុ៖ ក្នុងភូមិសាស្ត្រស្រុកសំឡូត និងខេត្តប៉ៃលិន បច្ចុប្បន្នស្ថានភាពអាកាសធាតុនៅតែបន្តមានភ្លៀងធ្លាក់ជាបន្តបន្ទាប់ ពុំទាន់មានសញ្ញាថយចុះនៅឡើយ ដែលបណ្តាលឱ្យកម្ពស់ទឹកស្ទឹងសង្កែ ចាប់ផ្តើមហក់ឡើងយ៉ាងឆាប់រហ័ស។
អាស្រ័យហេតុនេះ សូមបងប្អូនប្រជាពលរដ្ឋ ជាពិសេសអ្នករស់នៅតាមដងស្ទឹង អូរ និងតំបន់ទំនាប បន្តតាមដានព័ត៌មានពីអាជ្ញាធរមានសមត្ថកិច្ច និងអនុវត្តវិធានការប្រុងប្រយ័ត្នជានិច្ច ដើម្បីការពារសុវត្ថិភាពអាយុជីវិត ក្រុមគ្រួសារ និងទ្រព្យសម្បត្តិឱ្យបានល្អប្រសើរ។
សូមអរគុណ!