បន្លុង​ (ន.) របស់ដែលគេដាក់ប្លុងឲ្យព្រះសង្ឃទស់យក ។ របស់ដែលគេរៀប បញ្ជូនឲ្យបុគ្គលអ្នករំលាយខន្ធទៅហើយ, គេដាក់ប្លុងហើយនិមន្តព្រះសង្ឃទស់​ ។ 💐✨🙏✨ អនុស្សតិ១០ ពុទ្ធានុស្សតិ សេចក្តីរលឹករឿយៗ​ មានពុទ្ធគុណជាអារម្មណ៍។ ធម្មានុស្សតិ សេចក្ដីរលឹករឿយៗ​ មានធម្មគុណជាអារម្មណ៍។ សង្ឃានុស្សតិ​ សេចក្ដីរលឹករឿយៗ​ មានសង្ឃគុណជាអារម្មណ៍។ សីលានុស្សតិ សេចក្ដីរលឹករឿយៗ​ មានសីលគុណជាអារម្មណ៍។ ចាគានុស្សតិ សេចក្ដីរលឹករឿយៗ​ មានចាគគុណជាអារម្មណ៍។ ទេវានុស្សតិ សេចក្ដីរលឹករឿយៗ មានសទ្ធាទិគុណ របស់ទេវតា និងសទ្ធាទិគុណរបស់ខ្លួនជាអារម្មណ៍។ មរណានុស្សតិ សេចក្ដីរលឹករឿយៗ មានសេចក្តីស្លាប់ជា អារម្មណ៍។ កាយគតានុស្សតិ សេចក្ដីរលឹកក្នុងកាយ មានអាការៈ៣២ជា អារម្មណ៍។ អានាបានុស្សតិ សេចក្ដីរលឹក មានខ្យល់ដង្ហើមចេញចូល ជាអារម្មណ៍។ ឧបសមានុស្សតិ សេចក្ដីរលឹករឿយៗ មានគុណរបស់ ព្រះនិព្វានជាអារម្មណ៍។ ___________________________________ ថ្ងៃសុក្រ ១១ រោច ខែបឋមាសាឍ ឆ្នាំមមី អដ្ឋស័ក ព្រះ​ពុទ្ធ​ស័ករាជ ២៥៧០ ត្រូវនឹងថ្ងៃទី១០​ ខែកក្កដា ឆ្នាំ២០២៦