ទិដ្ឋភាពដ៏កម្រកាលពីជាង ១០០ឆ្នាំមុន! ទិដ្ឋភាពប្រវត្តិសាស្ត្រមួយសន្លឹកនេះ ត្រូវបានថតនៅខែកុម្ភៈ ឆ្នាំ១៩២៣ បង្ហាញពីសកម្មភាពកម្មករខ្មែរយើង កំពុងរុញរទេះលើផ្លូវដែកតូចមួយយ៉ាងសស្រាក់សស្រាំ ដើម្បីជីកកកាយដីរំដោះខឿនខាងជើងនៃជាន់ទី១ របស់ ប្រាសាទបាភួន (Baphuon) ក្នុងក្រុងអង្គរធំ។ ប្រាសាទដ៏ធំស្កឹមស្កៃនេះ ត្រូវបានកសាងឡើងតាំងពីប្រហែលឆ្នាំ១០៦០ ក្នុងរាជ្យព្រះបាទឧទយាទិត្យវរ្ម័នទី២ មកម្ល៉េះ។ ឆ្លងកាត់ពេលវេលារាប់រយឆ្នាំ កេរដំណែលនេះត្រូវបានដី និងព្រៃលេបត្របាក់ រហូតដល់មានការខិតខំប្រឹងប្រែងយ៉ាងខ្លាំងក្លា និងកម្លាំងញើសឈាមពីបុព្វបុរស និងអ្នកអភិរក្សជំនាន់មុន ទើបយើងមានឱកាសបានឃើញទម្រង់នៃប្រាសាទនេះឡើងវិញ។ 📸 ប្រភពឯកសារ៖ សាលាបារាំងចុងបូព៌ា (EFEO - 1923) ✍️ រៀបចំ និងចងក្រងដោយ៖ ចន្ថា យសោធរ (Chantha Yasodhara)