ប្រសិនជាមានសង្គ្រាម ជុំទី 3 តើមានរឿងអ្វីកើតឡើងខ្លះ? តើយុទ្ធសាស្ត្រនៃសង្គ្រាមរបស់សៀម ដូចជុំទី 1និង ជុំទី 2 ឬប្រើយុទ្ធវិធីផ្លាស់ពីវាយតាមព្រំដែន មកវាយនៅខាងក្នុងវិញ? 👉មេទ័ពយៀកមិញលោក ង្វៀងជា បាននិយាយថា កត្តាសំខាន់នៃសង្គ្រាមគឺសត្រូវគេមិនវ៉ៃកន្លែងត្រៀមទេ ប៉ុន្តែវ៉ៃកន្លែងដែលមិនបានត្រៀម។ ដូចជា កងទ័ពយៀកកុង ក្នុងសង្គ្រាមជាមួយអាមេរិក មិនបានវាយអាមេរិកនៅកន្លែងអាមេរិកត្រៀមទេប៉ុន្តែវាយអាមេរិកនៅកណ្ដាលទីក្រុងសៃហ្គន់តែម្ដង តាមរយៈខំជីករូងក្រោមដី ដើម្បីចល័ត្នកងទ័ព។ រួចជនបង្កប់ ឬអ្នកធ្វើចារកម្ម ចាំស៊ើបការណ៍មានគ្រប់ទីកន្លែង ជាពិសេសតាមកន្លែងផឹកស៊ីសប្បាយ យកស្រីស្អាតៗ ដើម្បីទាក់ចិត្តកងទ័ពអាមេរិកចាប់ពីថ្នាក់ទាបដល់ថ្នាក់ខ្ពស់ ដើម្បីដឹងអំពីផែនការកងទ័ពអាមេរិក។ ពេលនោះកងទ័ពអាមេរិក បានខ្ទេច មូលដ្ឋានទ័ពធំៗ ជាច្រើននិងស្ទើរចាញ់សង្គ្រាមទាំងស្រុងនៅក្នុងពេលនោះ។ 👉ចុះបើមានជុំទី3 តើសៀមប្រើប្រាស់យុទ្ធសាស្ត្រអ្វីទៅ? នៅក្នុងរឿងនេះ ខ្ញុំយល់ឃើញថា បើសិនជាកើតឡើង គឺជាសង្គ្រាមធំ តាមរយៈខ្ញុំមើលឃើញថា ការបន្តធ្វើទំនើបកម្មសព្វាវុធ ទំនើបៗ របស់សៀមបច្ចុប្បន្ន មិនមែនគ្រាន់តែជាការប្រយុទ្ធនៅតាមព្រំដែនទេ គេអាចប្រើប្រាស់ជាយុទ្ធសាស្ត្រដូចជាអាមេរិកវាយអ៊ឺរ៉ង់ និងអ៊ឺរ៉ង់ខំវាយបកអ៊ីស្រាអែល តាមរយៈគ្រាប់រ៉ូកែតបាញ់រយៈចម្ងាយៗ រួមទាំងប្រើដ្រូនហោះបានឆ្ងាយ ហោះទៅកំទេចកន្លែងសំខាន់ៗ ជាដើម ដើម្បីផ្ដាច់ដង្ហើមសេដ្ឋកិច្ចនិងបង្កភាពចលាចល នៅខាងក្នុងជាងទល់មុខ។ រួចនៅក្នុងពេលបច្ចុប្បន្ននេះពួកសៀមមានទាំងអស់ ដូចជាយន្តហោះចម្បាំង ទំនើបៗ ម៉ាស៊ីនបាញ់គ្រាប់រ៉ូកែតរយៈចម្ងាយ ជាពិសេសដ្រូន ស្រដៀងដ្រូនអ៊ឺរ៉ង់។ ដូច្នេះបងប្អូនចង់ឲ្យកើតសង្គ្រាមគិតការឡើងវិញ។