នគរបាលខេត្តកែប ចាប់ខ្លួនជនសង្ស័យ ពាក់ព័ន្ធអំពើលួច តាមដីកាបង្គាប់ឲ្យចាប់ខ្លួន បញ្ជូនទៅអយ្យការអមសាលាដំបូងខេត្ត បន្តនីតិវិធី

ខេត្តកែប៖ អនុវត្តតាមបទបញ្ជារបស់លោកឧត្តមសេនីយ៍ទោ សម្បត្តិ សុធារដ្ឋ ស្នងការនគរបាលខេត្ត នៅព្រឹកថ្ងៃទី១៤ ខែកក្កដា ឆ្នាំ២០២៦ កម្លាំងការិយាល័យនគរបាលព្រហ្មទណ្ឌកម្រិតធ្ងន់ សហការជាមួយកម្លាំងអធិការដ្ឋាននគរបាលក្រុងកែប បានចុះអនុវត្តដីកាបង្គាប់ឲ្យចាប់ខ្លួនលេខ ៤៣/២៦ ចុះថ្ងៃទី៥ ខែមិថុនា ឆ្នាំ២០២៦ ចេញដោយលោក ធុច ជេដ្ឋា ចៅក្រមស៊ើបសួរ នៃសាលាដំបូងខេត្តកែប បានធ្វើការចាប់ឃាត់ខ្លួនជនសង្ស័យឈ្មោះ រស់ សាឡយ ភេទប្រុស អាយុ២០ឆ្នាំ មុខរបរកម្មករបើកអូរប៊រ មានទីលំនៅភូមិកែប សង្កាត់ខេត្តកែប ក្រុង/ខេត្តកែប ពាក់ព័ន្ធអំពើលួច កាលពីថ្ងៃទី១៥-១៦/១០/២០២៥ ប្រព្រឹត្តនៅភូមិកែវក្រសាំង សង្កាត់កែប ក្រុងកែប បញ្ជូនខ្លួនទៅកាន់អយ្យការអមសាលាដំបូងខេត្តកែប ចាត់ការបន្តទៅតាមនីតិវិធី។