ប្រជាពលរដ្ឋ និងសិស្សានុសិស្សទូទាំងខេត្តកំពត ពិតជាមានសំណាង ដែលមានលោកតា ឯកឧត្តមបណ្ឌិត ប៉ែន ស៊ីម៉ន ជាអ្នកតំណាងរាស្ត្រមណ្ឌលកំពត ដែលតែងតែគិតគូរ យកចិត្តទុកដាក់ចំពោះសុខទុក្ខរបស់ប្រជាពលរដ្ឋ និងអនាគតរបស់យុវជនជំនាន់ក្រោយ។ មិនថាក្នុងវិស័យអប់រំ សាសនា សង្គមកិច្ច ឬការអភិវឌ្ឍមូលដ្ឋាននោះទេ លោកតាតែងតែស្ថិតនៅជិតប្រជាពលរដ្ឋ និងខិតខំបំពេញភារកិច្ចដោយស្មារតីទទួលខុសត្រូវខ្ពស់ និងពោរពេញដោយមនសិការស្នេហាជាតិ។

សម្រាប់ខ្ញុំផ្ទាល់ ខ្ញុំពិតជាមានកិត្តិយស និងរំភើបចិត្តជាខ្លាំង ដែលបានឃើញដោយផ្ទាល់នូវការយកចិត្តទុកដាក់ និងទឹកចិត្តដ៏សប្បុរសរបស់លោកតាចំពោះសិស្សានុសិស្ស។ ជារៀងរាល់ឆ្នាំ លោកតាតែងតែចំណាយពេលវេលាដ៏មានតម្លៃ ដើម្បីជួបសំណេះសំណាល ផ្តល់ដំបូន្មានល្អៗ និងលើកទឹកចិត្តដល់ប្អូនៗមុនពេលប្រឡង ហើយក្រោយពេលប្រកាសលទ្ធផល លោកតាក៏បន្តផ្តល់រង្វាន់ជ័យលាភី និងអាហារូបករណ៍ដល់សិស្សពូកែ និងសិស្សក្រីក្រជាបន្តបន្ទាប់។

ទង្វើដ៏ប្រពៃទាំងនេះ មិនមែនគ្រាន់តែជាការផ្តល់សម្ភារៈ ថវិកា ឬជំនួយប៉ុណ្ណោះទេ ប៉ុន្តែជាការបណ្តុះក្តីសង្ឃឹម ជំរុញទឹកចិត្ត និងបង្កើតឱកាសឱ្យយុវជនជាច្រើនអាចបន្តដំណើរឆ្ពោះទៅរកអនាគតដ៏ភ្លឺស្វាង។ នេះគឺជាគុណតម្លៃដ៏ធំធេង ដែលប្រជាពលរដ្ឋ និងសិស្សានុសិស្សក្នុងខេត្តកំពតតែងតែចងចាំ និងគោរពដឹងគុណជានិច្ច៕