មិនគួរឱ្យជឿ! អតីតសង្ឃសោះ ហ៊ានចូលលួចលុយបច្ច័យក្នុងវត្តដល់ទៅជាង ៤ លានរៀល។

ប៉ូលីសស្រុកជ័យសែន ខេត្តព្រះវិហារ បានចាប់ខ្លួនបុរសម្នាក់ដែលបានលួចលុយលោកគ្រូចៅអធិការវត្តទួលបល្ល័ង្គ ចំនួន ៤,៤០០,០០០ រៀល។ កាលពីព្រឹកថ្ងៃទី២០ ខែតុលា ឆ្នាំ២០២៦ បន្ទាប់ពីទទួលបានដំណឹងភ្លាម កម្លាំងប៉ូលីសបានសហការគ្នាស្រាវជ្រាវយ៉ាងលឿន រហូតតាមចាប់ខ្លួនជនសង្ស័យបាននៅម្ដុំការ៉ាស់សាំងស្ទឹងសែន ក្នុងក្រុងព្រះវិហារតែម្តង។

ជនសង្ស័យមានឈ្មោះ សឿន កុសល់ អាយុ ៣៦ ឆ្នាំ មកពីខេត្តបន្ទាយមានជ័យ។ អ្វីដែលធ្វើឱ្យគ្រប់គ្នាហួសចិត្តនោះ គឺជននេះធ្លាប់បួសនៅក្នុងវត្តហ្នឹងមួយរយៈដែរ។ ដោយសារដឹងច្បាស់ថាគ្រូចៅអធិការរវល់ដឹកនាំព្រះសង្ឃផ្សេងទៀតធ្វើការងារក្នុងវត្ត លុះឃើញឱកាសល្អ ជនសង្ស័យក៏លបចូលលួចយកលុយបច្ច័យវត្តបានសម្រេចតែម្តង។

បច្ចុប្បន្ន ជនសង្ស័យត្រូវបានប៉ូលីសរៀបចំសំណុំរឿងដើម្បីចាត់ការបន្តតាមច្បាប់ហើយ។