គយស្ទាក់ចាប់ប្រហិតសាច់ក្ដាមទម្ងន់ជាង៤តោន ផ្ទុកសារធាតុគីមីប៉ូរ៉ាក់ នៅស្រុកកោះអណ្តែត ខេត្តតាកែវ ដែលលួចនាំចូលពីប្រទេសវៀតណាម។
ប្រហិតសាច់ក្តាមនេះអាចបណ្តាលឲ្យប៉ះពាល់ និងខូចតម្រង់នោមសម្រាប់អ្នកហូប។ គយថា រថយន្តនោះមានដឹកសាច់ក្ដាមចំនួន ៤១៦កេស ស្មើនឹង ៤១៦០គីឡូក្រាម។
ក្រោយឃាត់បាន ប្រហិតសាច់ក្តាមទាំងអស់ត្រូវយកទៅដុតបំផ្លាញចោល នៅទីលានចាក់សំរាម ក្នុងក្រុងដូនកែវ ខេត្តតាកែវ។
ក្រៅពីការឃាត់ទំនិញ មន្រ្តីជំនាញគួរសហគ្នាតាមស្វែងរកឈ្មួញដែលលួចនាំចូលទំនិញខុសច្បាប់ទាំងនេះ មកកាត់ទោសតាមច្បាប់ ពីព្រោះវាធ្វើឲ្យប៉ះពាល់យ៉ាងធំធេងដល់សុខភាពសាធារណៈរបស់ប្រជាពលរដ្ឋ ដែលជាធនធាន និងជាកោសិកាសម្រាប់ចូលរួមកសាងសង្គមជាតិ។
ចំពោះមន្រ្តីនៅតាមព្រំដែន ដែលគប់គិតឲ្យឈ្មួញលួចនាំចូល ក៏ត្រូវតែស្រាវជ្រាវ ដើម្បីចាត់វិធានការផងដែរ។