ប៉េអឹមក្រុងប៉ោយប៉ែត បានចាប់ខ្លួនម្ចាស់ហាង កាកាសាឡន ឈ្មោះ គុំ លីកា ហៅក្រៅ កាកា ភេទស្រី អាយុ ៣០ឆ្នាំ ស្ថិតនៅភូមិបាលិលេយ្យ១ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ ក្រោយវាយធ្វើបាយ ចាប់បង្ខាំងស្រ្តីមេម៉ាយ ដែលបម្រើនៅក្នុងផ្ទះ របស់ខ្លួន យ៉ាងសាហាវឃោឃៅ។

ស្រ្តីរងគ្រោះមានឈ្មោះ អ៊ុត ខុន អាយុ ៥៩ឆ្នាំ រស់នៅភូមិប្រជាធម្មលិច សង្កាត់ផ្សារកណ្តាល ក្រុងប៉ោយប៉ែត ខេត្តបន្ទាយមានជ័យ ជាស្ត្រីមេម៉ាយគ្មានកូន គ្មានផ្ទះសម្បែង ហើយដើរធ្វើអនាម័យតាមផ្ទះ ដើម្បីយកប្រាក់ឈ្នួល។ គាត់បានមកស្នាក់នៅ ហូបចុកជាមួយ ម្ចាស់ហាងសាឡនខាងលើ អស់រយៈពេលជាង ៣ឆ្នាំមកហើយ។