🙏🌷 🌷 បិណ្ឌទី១ នៅវត្តទួលសំរោង 🌷🙏 ក្នុងឱកាសបុណ្យភ្ជុំបិណ្ឌ វេនបិណ្ឌទី១ នៅវត្តទួលសំរោង ខ្ញុំសូមសម្ដែងនូវកតញ្ញូកតវេទិតាធម៌ និងសេចក្តីគោរពដ៏ជ្រាលជ្រៅ ចំពោះលោកម្ចាស់គ្រូ ញាណត្ថេរោ រស់ សម្បត្តិ ដែលបានផ្ដល់នូវចំណេះដឹង បទពិសោធន៍ និងការអប់រំដ៏មានតម្លៃដល់ខ្ញុំ ក្នុងការរស់នៅជាភេទបព្វជិតនៅទីនេះ។ ចំណេះដឹងទាំងនេះ គឺជាមេរៀនដ៏មានតម្លៃសម្រាប់ការអប់រំចិត្ត ការប្រតិបត្តិធម៌ និងការកសាងខ្លួនឱ្យកាន់តែប្រសើរឡើង។ ខ្ញុំសូមក្រាបថ្វាយបង្គំ និងអរព្រះគុណលោកម្ចាស់គ្រូដោយសេចក្តីគោរព និងដឹងគុណជាអនេកប្បការ។ 🙏🙏🙏 សូមឱ្យបុណ្យកុសលក្នុងឱកាសនេះ ជាប្រយោជន៍ដល់ព្រះពុទ្ធសាសនា និងសេចក្តីសុខចម្រើនដល់គ្រប់ៗគ្នា។ 🪷💓 #បិណ្ឌទី១ #វត្តទួលសំរោង #កតញ្ញូកតវេទិតាធម៌ #ភេទបព្វជិត #ព្រះពុទ្ធសាសនា #បុណ្យភ្ជុំបិណ្ឌ

#២៣៣🙏 🥰💎ដាស់សតិ❤️💚 សុជីវធម៌ Sujeevadhamma សុជីវធម៌សម្គាល់ការរស់នៅល្អ មានរបៀបរៀបរយ ចេះគួរសមក្នុងការប្រាស្រ័យទាកទងជាមួយអ្នកដទៃ។ A good life is marked by a well-organized lifestyle, knowing how to behave appropriately when interacting with others. គុណធម៌ Virtue គុណធម៌មានន័យថា ជាការប្រព្រឹត្ត អំពើល្អប្រសើរ ចំពោះអ្នកដទៃ ដែលជាអំពើ ដែលនាំមកនូវភាពចម្រុងចម្រើន កាន់តែច្រើន ដែលគេផងរាល់គ្នា គោរព កោតសរសើរ ហើយក៏មាន ទឹកចិត្តកតញ្ញូ ចង់តបស្នងធ្វើនូវអំពើល្អនោះត្រឡប់ទៅវិញបន្ថែម បន្តទៀតដោយទឹកចិត្តជ្រះថ្លាពីក្នុងចិត្ត ក្នុងបេះដូងរបស់គេ។ Virtue refers to the act of performing good deeds towards others, which brings about improvement and is admired and appreciated by all, inspiring a sense of gratitude and a desire to reciprocate with similar good actions.

ភាពអស្ចារ្យរបស់មនុស្សយើង គឺសេចក្ដីល្អ អរគុណនិងអ្វីដែលយើងមានបច្ចុប្បន្ន ការដឹងគុណ កតញ្ញ ធម៌ដែលខ្ពស់បំផុត គឺធម៌មិនប្រមាថ🙏 ការឲ្យតម្លៃទៅកាន់មនុស្សស្មើភាពគ្នា គឺជាបុណ្យដែលខ្ពស់បំផុត 🙏🥰🙏 ការឱ្យតម្លៃចំពោះខ្លួនឯងរឹតតែប្រសើរ🙏🥰🙏

សូមជ្រះថ្លាអនុមោទនា បុណ្យវិសាខបូជា ជាបុណ្យកតញ្ញូចំពោះព្រះពុទ្ធ ដែលជាព្រះបិតាវិវដ្តៈ ជាថ្ងៃទ្រង់ប្រសូតិ ថ្ងៃទ្រង់ត្រាស់ដឹង និងថ្ងៃទ្រង់ចូលបរិនិព្វាន យើងទាំងអស់គ្នាជាសាវ័ក ជាពុទ្ធបរិស័ទរបស់ព្រះអង្គ ត្រូវមានកតញ្ញូចំពោះព្រះអង្គឱ្យក្រៃលែងបំផុត បើខ្វះធម៌កតញ្ញូ យើងក្លាយជាបុគ្គលគ្មានគុណធម៌ ប្រៀបដូចភាជនៈផ្កាប់ស្ងួតទទេ ដែលគ្មានទឹកតិចតួចឡើយ ព្រះអង្គសំដែងថា កតញ្ញូជាប្រធាននៃបារមីទាំងឡាយ ជាកំពូលនៃគុណធម៌ដែល ខ្ពង់ខ្ពស់ អស្ចារ្យ ក្រៃលែងបំផុត ក្នុងលោកនេះ ។ព្រះអង្គបានបញ្ជាក់ថា កតញ្ញូតាសមំ នត្ថិ តិវិធំ ឧត្តមំ វរំ (បុណ្យនិង សេចក្តីសុខ) ប្រៀបស្មើដោយកតញ្ញូតាធម៌ មិនមានឡើយ ធម៌កតញ្ញូនេះ មានគុណានុភាព ខ្ពង់ខ្ពស់ បំផុតក្នុងលោក។បុគ្គលណាបានបំពេញកតញ្ញូចំពោះព្រះអង្គ ហើយរមែងមានតេជះរុងរឿង អស្ចារ្យបំផុត ក្នុងចំណោមជនទាំងឡាយ ដ៏ច្រើនក្នុងលោកនេះ។ ភិក្ខុធម្មត្ថេរោ 🙏🏻🪷🪷🪷🪷🪷🙏🏻

មនុស្សល្អ រស់នៅក្នុងសង្គមព្រះពុទ្ធសាសនា ជាមនុស្សមានតម្លៃ មានកតញ្ញូត្រូវមានធម៌ពីរនេះគឺៈ ១_សច្ចៈ ជាឫសគល់នៃកុសលធម៌បានដល់សីល ចម្រើននូវបុណ្យ ទាំងយប់ ទាំងថ្ងៃ ហើយជាផ្លូវស្អាតផង ជាវត្ថុស្អាតផង គឺកាយស្អាត វាចាស្អាត ចិត្តស្អាត ប្រព្រឹត្តធ្វើតែអំពើល្អ ព្រះអង្គពោលថា នត្ថិ សច្ចសមំ បុញ្ញំ ពុំមានបុណ្យឯណាឱ្យស្មើសច្ចៈមិនមាន។ ២_ខន្តី ជាតបៈធម៌ដ៏ឧត្តម ការអប់រំចិត្តឱ្យត្រជាក់ស្ងប់ គឺជាឫសគស់នៃសេចក្តីសុខដ៏ក្រៃលែង ព្រះអង្គពោលថា នត្ថិ ខន្តិសមំ សុខំ ពុំមានសេចក្តីសុខឯណាឱ្យស្មើខន្តីមិនមាន ធម៌ពីរនេះកើតមានហើយ មានអំណាចឱ្យកើតធម៌បី សីល សមាធិ បញ្ញា ព្រះធម៌ទាំងបីនេះ សម្រាប់ញ៊ាំងជីវិត ឱ្យស្អាត បរិសុទ្ធ មិនមានមន្ទិលគ្រឿងសៅហ្មងចិត្ត នឹងបានកើតបញ្ញាចក្ខុ រហ័សត្រាស់ដឹងសច្ចធម៌។ដូច្នេះពុទ្ធបរិស័ទល្អ មានគុណតម្លៃ ប្រកបដោយកតញ្ញូ នៅក្នុងព្រះសាសនានេះ ត្រូវមានសច្ចៈ ខន្តឺ តាំងនូវសទ្ធាមុតមាំ ដើម្បីសិក្សាព្រះបរិយត្តិធម៌ និងបដិបត្តិធម៌ តាមព្រះធម៌វិន័យ ឱ្យបានត្រឹមត្រូវល្អ ច្បាស់លាស់ ពិតប្រាកដ ពីព្រោះព្រះបរិយត្តិធម៌ និងបដិបត្តិធម៌នេះហើយ ទុកជាខែលការពារ ដ៏រឹងមាំក្រៃលែងបំផុត តែមួយគត់ សម្រាប់ការពារ ថែរក្សា ព្រះពុទ្ធសាសនា ឱ្យតាំងនៅ គង់វង្ស ចម្រើនរុងរឿង អស់កាលយូរអង្វែង។ ព្រោះហេតុនេះ មានតែបរិស័ទជាកូន ព្រះបិតាវិវដ្តៈ ជាអតិជាតិបុត្រ មានធម៌កតញ្ញូ ប្រកបដោយបញ្ញាឈ្លាសវៃ ក្នុងធម៌វិន័យនេះទេ ទើបមានសមត្ថភាព មើលថែព្រះសាសនា ឱ្យគង់វង្សបាន ដែលអត់ពីព្រះពុទ្ធ ព្រះបិតាទៅ។ ភិក្ខុធម្មត្ថេរោ

កតញ្ញូ ដឹងគុណ មិនថាយើងនៅទីណានោះទេ។សូមរក្សាវប្បធម៌មួយនេះឲ្យល្អបំផុត។ កតញ្ញូ គឺជា 👉 ដឹងថានរណាម្នាក់បានលះបង់ ឬជួយយើង 👉 មិនភ្លេចគុណរបស់គេ 👉 មានចិត្តគោរព ស្រឡាញ់ និងចង់តបស្នងវិញ ដឹងគុណ មានន័យថា 👉 ការយល់ដឹងថាមានអ្នកណាម្នាក់បានជួយ ឬធ្វើល្អចំពោះយើង 👉 មានចិត្តស្រឡាញ់ គោរព និងមិនភ្លេចអំពើល្អនោះ 👉 ចង់តបស្នងវិញដោយអំពើល្អ ឬការប្រព្រឹត្តល្អ

«វាមិនធ្ងន់ទេ ! ព្រោះវាជាបងប្អូនបង្កើតរបស់ខ្ញុំ» ពាក្យស្លោកដ៏ពេញនិយមដែលមនុស្សទូទៅគួរពិចារណាពីអត្ថន័យ ❤️ វាមិនធ្ងន់ទេ ព្រោះវាជាសាកសពប្អូនប្រុសខ្ញុំ គឺជាពាក្យស្លោកជប៉ុនមួយឃ្លាដ៏ពេញនិយម ដែលពលរដ្ឋជប៉ុន តែងយកមកអប់រំមនុស្សឲ្យមានគុណធម៌ និងសីលធម៌ និងកតូញ្ញូចំពោះបងប្អូន សាច់ញាតិខ្លួនក្នុងជីវភាពរសនៅប្រចាំថ្ងៃ ។ យោងតាមការផ្សាយតាមបណ្តាញសង្គម ពាក្យស្លោកមួយឃ្លានេះ ត្រូវបានគេឲ្យដឹងថា មានកំណើតដំបូងតាំងពីសម័យសង្គ្រាមក្នុងប្រទេសជប៉ុនមកម្លេះ ។ ប្រវត្តិនៃពាក្យស្លោកនេះ ត្រូវបានគេដំណាលថា មានក្មេងប្រុសជប៉ុនម្នាក់ បានស្ពាយសាកសពប្អូនប្រុសរបស់ខ្លួន នៅលើខ្នងអស់រយៈពេលច្រើនម៉ោង និងច្រើនគីឡូម៉ែត្រ នៅពេលធ្វើដំណើរតាមផ្លូវ ។ ដោយឃើញពីការលំបាកនឹងសភាពធ្ងន់ នៃក្មេងប្រុសដែលដាក់សពប្អូនប្រុសនៅលើខ្នងយ៉ាងយូនោះ ពេលនោះមានទាហ៊ានជប៉ុនម្នាក់ បានពោលទៅកាន់ក្មេងនោះថា “ឯងឆាប់បោះសាកសពលើខ្នងចោលទៅ វាធ្ងន់ហើយ ហត់ណាស់”​ ។ ឆ្លើយតបនឹងការឈឺឆ្អាលនៃទាហ៊ានរូបនោះ ក្មេងប្រុសនោះបានពោលទៅកាន់គាត់វិញថា “ខ្ញុំមិនធ្ងន់ទេ! វាជាសាក សពប្អូនប្រុសរបស់ខ្ញុំ” ។ ពេលទាហ៊ានរូបនោះ ក្រោយបានឮនូវពាក្យមួយឃ្លានោះហើយ គាត់បានយល់ និងរំភើបចំពោះទឹកចិត្តក្មេងប្រុសនោះ ព្រមជាមួយនឹងការសម្រក់ទឹកភ្នែកផងដែរ ។ រឿងនេះក៏ក្លាយជាពាក្យស្លោកមួយដ៏ល្បីក្នុងប្រទេសជប៉ុនដែលថា “វាមិនធ្ងន់ទេ ព្រោះវាជាបងប្អូនរបស់ខ្ញុំ” ។ នៅក្នុងសង្គមបច្ចុប្បន្ន ដោយសារតែមើលឃើញពីភាពប្រាសចាកពីសេចក្តីស្រឡាញ់ រវាងសាច់ញាតិ បងប្អូន ក្រុមគ្រួសារ ទើបនាំឲ្យអ្នកដែលមានគំនិតអប់រំមួយចំនួន បានលើកនូវពាក្យស្លោកមួយឃ្លានេះ ដើម្បីជាឧទាហរណ៍ និងអប់រំមនុស្សទូទៅ ។ យោងតាមបណ្តាញសង្គមមួយចំនួន បានលើកឡើងថា៖ សម័យនេះ មានច្រើនណាស់ដែលស្អប់ និងសម្លាប់បងប្អូនបង្កើតខ្លួនឯង ដើម្បីដណ្តើមទ្រព្យគ្នា ប៉ុន្តែត្រូវដឹងថា ចុងក្រោយគ្មាននរណាសំខាន់ជាងបងប្អូនបង្កើតរបស់យើងទេ ដូច្នេះយើងគប្បីត្រូវកតញ្ញូចំពោះអ្នកទាំងនោះដោយ – នៅពេលបងប្អូនយើងដួល យើងត្រូវលើកគាត់។ – នៅពេលគាត់ហត់ យើងត្រូវជួយគាត់។ – នៅពេលគាត់ទន់ខ្សោយ យើងត្រូវជំរុញគាត់។ – ពេលគាត់ខ្វះខាត យើងត្រូវជួយគាត់។